Samfélagsmiðlar

Vilja eldra starfsfólk

Flugfélagið Easyjet hratt af stað í vikunni auglýsingaherferð til að laða að fólk sem er 45 ára eða eldra í störf flugfreyja og þjóna. Með þessu ögrar EasyJet viðteknum hugmyndum um það hverjir gegna þessum störfum um leið og reynt er að bæta úr sárum skorti á starfsfólki í Bretlandi

Síðustu fjögur árin hefur meðalaldur flugfreyja og þjóna Easyjet hækkað. Fólki yfir 45 ára aldri í þessum störfum um borð í flugvélum félagsins hefur fjölgað um 27 prósent á fjórum árum og 60 ára og eldri hefur fjölgað um 30 prósent.

Meðal þeirra sem hvattir eru til að sækja nú um störf eru foreldrar barna sem flutt eru að heiman – og fólk sem vill hefja nýjan starfsferil á seinni hluta ævinnar. Þessar áherslur í ráðningum byggjast á rannsóknum sem Easyjet lét gera á vinnumarkaðnum.

Margvísleg vandræði hafa skapast á breskum vinnumarkaði eftir útgönguna úr Evrópusambandinu 2020 og vegna þess mikla fjölda sem ákvað að fara snemma á eftirlaun í heimsfaraldrinum. Þetta hefur komið illa við breska ferðaþjónustu og valdið miklum vandræðum á flugvöllum og hjá fyrirtækjum í flugrekstri. Alls staðar vantar fólk.

Nýr forsætisráðherra Bretlands, Rishi Sunak, hefur ekki fallist á að slaka á reglum sem gilda um innflytjendur og starfsumsóknir útlendinga í landinu. En búast má við að samtök atvinnurekenda haldi áfram að þrýsta á um viðbrögð.

Starfsfólk sem Easyjet hefur ráðið á liðnum mánuðum tekur þátt í auglýsingaherferðinni sem hrundið hefur verið af stað.

Easyjet hefur undanfarin áratug verið umsvifamikið í Íslandsflugi frá Bretlandi og býður í vetur upp á beint flug hingað frá London, Manchester, Edinborg og Bristol.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …