Nýsköpunarverðlaun ferðaþjónustunnar árið 2022 voru veitt í vikunni en það eru Samtök
ferðaþjónustunnar sem standa að afhendingunni. Þetta árið bárust 14 tilnefningar í samkeppninni um verðlaunin en Vök Baths, heitar laugar sem staðsettar eru á bakka Urriðavatns við Egilsstaði á Austurlandi, bar sigur úr býtum.
„Vök Baths er mikilvæg og ánægjuleg nýjung fyrir Austurland. Staðurinn hefur bæði mikið aðdráttarafl
fyrir erlenda sem innlenda ferðamenn en er um leið nýjung í þjónustu á svæðinu sem færir aukin
lífsgæði til heimamanna og nærsveitunga,“ segir í tilkynningu SAF.
Auk nýsköpunarverðlaunanna þá var jafnframt veitt nýsköpunarviðurkenning ferðaþjónustunnar og í ár fór hún til Hopp Reykjavík og Höldur – Bílaleigu Akureyrar.