Þeir sem áttu leið úr landi í nóvember gátu flogið beint frá Keflavíkurflugvelli til nærri fimmtíu borga í Evrópu og Norður-Ameríku en langflestar voru ferðirnar til London. Þangað var flogið að jafnaði um átta sinnum á degi hverjum á vegum fimm flugfélaga.
Samkeppnin um farþega á öðrum flugleiðum er minni og ferðirnar ekki eins tíðar eins og sjá má hér fyrir neðan.
Í öllum tilvikum er þó einhver samkeppni en Icelandair flýgur til allra þeirra tíu borga sem oftast var flogið til í síðasta mánuði. Play heldur úti reglulegum ferðum til átta þeirra en íslensku flugfélögin tvö standa sem fyrr undir bróðurparti umferðarinnar til og frá Íslandi. Hlutdeild erlendu félaganna í nóvember var þannig 29 prósent.