Samfélagsmiðlar

Delta ætlar líka að fljúga hingað frá Detroit

Það gerist sjaldan að þrjár þotur erlends flugfélags séu við Leifsstöð á sama tíma. Það gerist þó í tilfelli Delta enda hefur félagið lengi verið umsvifamikið hér á landi.

Hið bandaríska Delta hefur á morgun sölu á beinu flugi frá Detroit til Íslands. Fyrsta ferð er á dagskrá þann 15. maí og munu þotur bandaríska félagsins fljúga þessa leið fjórum sinnum í viku fram í miðjan október. Íslandsflugið frá Detroit bætist við daglegar ferðir Delta til Keflavíkurflugvallar frá bæði New York og Minneapolis.

Til marks um umsvifin þá munu þotur Delta lenda á Keflavíkurflugvelli 36 sinnum í viku hverri næsta sumar. Í þessum ferðum verða samtals sæti fyrir 6.248 farþega samkvæmt talsmanni Delta vestanhafs.

Delta hóf áætlunarflug til Íslands sumarið 2011 og þá frá JFK-flugvelli í New York. Síðar bættust við ferðir frá Minneapolis og á tímabili bauð Delta upp á flug hingað allt árið um kring. Félagið spreytti sig einnig á Íslandsflugi frá Boston sumarið 2021.

Þess má geta að Delta verður ekki eitt um að fljúga beint milli Íslands og Detroit næsta sumar því Icelandair hefur boðað komu sína til bílaborgarinnar í vor. Wow Air hélt svo úti áætlunarferðum til Detroit á sínum tíma.

Bandaríkjamenn eru fjölmennastir í hópi ferðamanna hér á landi og aukið framboð Delta á Íslandsflugi á næsta ári er vísbending um áframhaldandi mikla eftirspurn eftir ferðum hingað til lands.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …