Samfélagsmiðlar

Ferðamenn stoppa í styttri tíma en árið 2019

Ferðafólk við Ingólfstorg á aðventu.

Eitt af því sem einkenndi ganginn í ferðaþjónustunni eftir heimsfaraldur var hversu langan tíma fólk gaf sér í Íslandsreisuna. Gistinætur á hvern útlending urðu þá mun fleiri en þær höfðu verið og þessu fagnaði forsvarsfólk atvinnugreinarinnar og ráðamenn líka.

Í samanburði við 2018, þegar hingað komu flestir, var munurinn mikill en þá ber að hafa í huga að það ár einkenndist af dýrkeyptu kapphlaupi Icelandair og Wow Air. Framboð á ódýrum farmiðum var mikið og hingað streymdu til að mynda óvenju margir ferðamenn frá Bandaríkjunum.

Eftir fall Wow Air í mars árið 2019 fór dvalartíminn upp á við á ný og stökkið varð ennþá meira eftir að slakað var á sóttvarnaraðgerðum við landamærin í fyrra.

Sú þróun hefur haldið áfram í ár því gistinætur á hvern ferðamann hafa verið töluvert fleiri en þær voru árið 2019. Í sumar stoppaði hver túristi að meðaltali í rúmlega fimm nætur sem er alla vega einni nótt meira en fólk gaf sér í Íslandsferðina á árunum fyrir heimsfaraldur eins og sjá má hér fyrir neðan.

Nú í haust varð hins vegar breyting á þessu því þá styttist dvalartíminn umtalsvert og þessi þróun hefur haldið áfram og gistinætur á hvern ferðamann síðustu þrjá mánuði eru því færri en raunin var árið 2019 eins og sjá má á línuritinu.

Í þessum útreikningum Túrista er miðað við allar skráðar gistinætur útlendinga og svo talningu Ferðamálastofu í Flugstöð Leifs Eiríkssonar. Þessi gögn eru takmörkuð eins og þekkt er en þetta er það sem við höfum úr að moða. Og af tölunum að dæma þá virðist sem ferðamynstrið sé á ný farið að líkjast því sem var áður en Covid-19 setti ferðaþjónustu hér heima og erlendis á annan endann.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …