Samfélagsmiðlar

Hótel Breiðdalsvík fær hvatningarverðlaunin

Hótel Breiðdalsvík hlýtur Hvatningarverðlaun Ábyrgrar ferðaþjónustu fyrir vel ígrundaða sjálfbærnistefnu. Hringrásarhagkerfið er haft að leiðarljósi á hótelinu og markvisst unnið með Heimsmarkmið Sameinuðu þjóðanna við gerð sjálfbærnistefnunnar.

Við afhendingu Hvatningarverðlaunanna. Friðrik Árnason, eigandi Hótels Breiðdalsvíkur, ásamt Guðna Th.Jóhannessyni, forseta Íslands, Ástu Kristínu Sigurjónsdóttur, Íslenska ferðaklasanum, og Jóhannesi Þór Skúlasyni, SAF.

Hvatningarverkefnið Ábyrg ferðaþjónusta tengdi í ár saman sjálfbærnistefnu,
heimsmarkmið Sameinuðu þjóðanna og ábyrga ferðaþjónustu. Hvatningarverðlaunin 2022 fær Hótel Breiðdalsvík fyrir að taka á þessu stóra og mikilvæga verkefni á skipulagðan og markvissan hátt síðastliðið ár. Sjálfbærnistefna hótelsins er vel ígrunduð, hringrásarhagkerfið haft að leiðarljósi og markvisst unnið með Heimsmarkmið Sameinuðu þjóðanna við gerð sjálfbærnistefnunnar.

Guðni Th. Jóhannesson, forseti Íslands, er verndari verkefnisins og afhenti eiganda Hótels Breiðdalsvíkur, Friðriki Árnasyni, viðurkenninguna á Degi Ábyrgrar ferðaþjónustu, sem haldinn var í samstarfi Íslenska ferðaklasans, Samtaka ferðaþjónustunnar, Ferðamálastofu og Íslandsstofu.

Hótel Breiðdalsvík MYND: Hótel Breiðdalsvík

„Við gerð sjálfbærnistefnunnar var horft til gilda Hótel Breiðdalsvíkur sem eru: metnaður, gleði og framúrskarandi þjónusta í sátt við umhverfið. Þessi gildi endurspeglast vel í útskýringum forsvarsmanna hótelsins á því hvernig markmiðum stefnunnar er fylgt eftir í daglegum rekstri. Því til viðbótar er mikil áhersla lögð á að hótelið er ekki bara hótel heldur virkur og ábyrgur þátttakandi í samfélaginu á Breiðdalsvík“, segir í tilkynningu um viðurkenninguna.

Hjónabandssæla í Kaupfjelaginu á Breiðdalsvík – MYND: ÓJ

Hótel Breiðdalsvík var opnað árið 1983. Boðið er upp á gistingu í 37 herbergjum. Veitingastaður er rekinn við hótelið.

Dómnefnd valdi þrjú fyrirtæki úr fimmtán tilnefningum sem bárust til að kynna sérstaklega sína vegferð og framúrskarandi vegferð. Auk Hótels Breiðdalsvíkur eru það Midgard Adventure og Pink Iceland.

Í dómnefnd fyrir Hvatningarverðlaun Ábyrgrar ferðaþjónustu 2022 sátu:
Berglind Viktorsdóttir, gæðastjóri hjá Ferðaþjónustu bænda hf. – Hey Iceland og Bændaferðir
Guðrún Þóra Gunnarsdóttir, forstöðumaður Rannsóknamiðstöðvar ferðamála
Jón Gestur Ólafsson, gæða, umhverfis og öryggisstjóri hjá Höldi ehf. – Bílaleigu Akureyrar.

Á söguslóðum – MYND: ÓJ
Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …