Samfélagsmiðlar

Mikil pressa á Southwest

Bandaríska Southwest Airlines aflýsti í gær 2.677 flugferðum eða 65 prósentum af öllum fyrirhuguðum brottförum. Stjórnendur félagsins búast við að þetta ástand vari fram á fimmtudag - ef ekki lengur. Þing og ríkisstjórn vilja skýringar.

Fréttasíða WSJ

Fréttasíða The Wall Street Journal

Veðurofsinn í Bandaríkjunum sem orðið hefur fjölda fólks að fjörtjóni síðustu daga hefur lamað samgöngur eða sett áætlanir úr skorðum. Þúsundir manna hafa setið fastir á flugvöllum og ekki komist til að halda jólin hátíðleg með ættingjum sínum. Vandræðum þessa fólks og flugfélaga sem áttu að þjóna því er ekki lokið.

Southwest flytur flesta farþega í innanlandsflugi í Bandaríkjunum, flýgur til flugvalla í 42 ríkjum Bandaríkjanna og fer yfir fjögur þúsund flugferðir á dag – ef aðstæður leyfa. Frá fimmtudeginum í síðustu viku hefur Southwest þurft að aflýsa um 11 þúsund flugferðum og á í miklu basli við að koma flugrekstrinum í eðlilegt horf eftir að allt fór í handaskolum í óveðrinu sem lamaði hluta samgöngukerfisins í norðurhluta landsins. 

Viðskiptavinir Southwest hafa átt í vandræðum með að komast leiðar sinnar eftir að hafa lent í því að flugi þeirra var aflýst og margir orðið viðskila við farangur sinn, sem safnast hefur upp á flugvöllum. The Wall Street Journal lýsir þessu í samantekt sinni og hefur eftir Bob Jordan, forstjóra Southwest, að hann sé bjartsýnn á að hlutirnir komist í eðlilegt horf fyrir vikulok. Í gær var þó staðan sú að Southwest aflýsti 2,677 flugferðum. 

WSJ segir frá því að vandræði Southwest hafi vakið athygli valdhafa í Washington DC. Viðskiptanefnd Öldungadeildarinnar ætlar að fara í saumana á þeim truflunum sem orðið hafa á rekstri Southwest. Þá hefur samgönguráðherra alríkisstjórnarinnar, Pete Buttigieg, rætt við stjórnendur Southwest og fulltrúa verkalýðsfélaga og ítrekaði þar að ráðuneytið ætlaðist til þess að flugfélagið stæði við allar skuldbindingar sínar gagnvart farþegum og starfsfólki. Um leið yrði allt gert til að koma í veg fyrir að svona ástand skapaðist aftur. Þó að enginn hefði stjórn á veðrinu þá væri ljóst að skapast hefði ástand sem varðaði með beinum hætti ábyrgð flugfélagsins sjálfs, er haft eftir Pete Buttigieg, samgönguráðherra. 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …