Gengi hlutabréfa í sex af þeim sjö norrænu flugfélögum sem skráð eru á hlutabréfamarkað lækkaði í vikunni. Bréfin í Play fóru aftur á móti upp á við um þrjá af hundraði en viðskiptin með bréf félagsins voru þó mjög lítil.
Í gær, föstudag, nam veltan aðeins 69 þúsund krónum og í vikunni allri var sýslað með hlutabréf Play fyrir rétt um 20 milljónir króna. Til samaburðar nam veltan með bréf Icelandar rúmlega 800 milljónum króna en gengi þess félags lækkaði 4,4 prósent í vikunni.
Það var hins vegar hið norska Flyr sem lækkaði mest allra eins og sjá má hér fyrir neðan. Stjórnendur Flyr keppast nú við að koma genginu upp á við enda hlutafjárútboð framundan í byrjun næsta árs og þar þarf hver hlutur að fara á nokkur hærra verði en sem nemur markaðsgenginu er í dag.