Sætanýtingin hjá Icelandair í sumar og haust var há í samanburði við sama tímabil á árunum fyrir heimsfaraldur. Í september sl. var nýtingin til að mynda hærri en nokkur dæmi eru um í þeim mánuði. Árangurinn skrifaðist að hluta til á þá staðreynd að Icelandair notar nú í auknum mæli Boeing Max þotur en í þeim eru færri sæti en í gömlu Boeing 757 þotunum sem áður voru uppistaðan í flugflota félagsins.
Takmarkað framboð hafði líka sitt að segja í sumar en nú í vetur eru umsvifin hjá Icelandair álíka og þau voru veturinn fyrir heimsfaraldur. Og það hefur neikvæð áhrif á sætanýtinguna því í nóvember var hún lægri en hún var á árum áður og sú þróun hélt áfram í desember eins og sjá má hér fyrir neðan.
Munurinn er mikill miðað við árin 2018 og 2019 en þá ber að hafa í huga að þessi tvö ár einkenndi mikið tap rekstur Icelandair.