Það var flogið reglulega frá Keflavíkurflugvelli til 53 borga í Evrópu og Norður-Ameríku í desember sem er litlu minna framboð en í sama mánuði fyrir fjórum árum þegar umferðin um Keflavíkurflugvöll var mest. Þá voru ferðirnar hins vegar tíðari til flestra áfangastaða.
Farþegar á leið héðan til London í desember 2018 gátu þannig valið úr 10 ferðum á dag að jafnaði til London en í nýliðnum desember voru ferðirnar þriðjungi færri.
Samdrátturinn er sambærilegur þegar horft er til framboðs á ferðum til Óslóar en aftur á móti fjölgaði brottförum til Boston og flugvallanna við Washington DC eins og sjá má á töflunni hér fyrir neðan.