Þriðjung af rekstrarkostnaði Icelandair á síðasta ári má rekja til kaupa á eldsneyti en hlutfallið var fimmtungur árið á undan. Í heildina greiddi félagið 51 milljarð króna fyrir eldsneytið í fyrra sem er 11 milljörðum meira en árið 2019.
Það ár var launakostnaðurinn helmingi hærri en eldsneytisreikningurinn en þessu var öfugt varið í fyrra. Laun og launatengd gjöld á síðasta ári námu nefnilega 42 milljörðum eða níu milljörðum minna en greitt var fyrir flugvélabensín samkvæmt ársreikningi flugfélagsins sem birtur var í kvöld.
Þar kemur fram að félagið var rekið með 786 milljón króna tapi í fyrra sem er besta afkoma félagsins frá árinu 2017. Fyrrnefndar hækkarnir á olíuverði höfðu því mikil áhrif en á móti kom að flugfargjöld voru almennt há, ekki bara hjá Icelandair heldur á víðast hvar í heiminum.
