Samfélagsmiðlar

„Gríðarleg eftirspurn“ eftir Íslandsferðum frá Sviss

Nú geta Svisslendingar byrjað Íslandsreisuna á Akureyri og endað á Keflavíkurflugvelli eða öfugt. Stjórnendur flugfélagsins segjast einfalda Norðlendingum ferðalagið að Miðjarðarhafinu.

Þotur Edelweiss munu fljúga bæði til Akureyrar og Keflavíkurflugallar frá Zurich í sumar.

Lengi vel bauð hið svissneska Edelweiss aðeins upp á flug til Keflavíkurflugvallar yfir sumarmánuðina en nú fljúga þotur félagsins þangað líka yfir veturinn. Í sumar ætla Svisslendingarnir svo að spreyta sig á ferðum frá Zurich til Akureyrar og af svörum stjórnenda félagsins að dæma þá gengur sala á öllum þessum ferðum til Íslands vel.

„Eftirspurnin hér í Sviss eftir ferðum til Íslands í sumar er gríðarleg. Ísland er orðinn vinsæll áfangastaður meðal Svisslendinga og annarra Evrópubúa bæði á sumrin og veturna. Og með nýja fluginu okkar til Akureyrar þá geta farþegar sneitt hjá þéttsetnum ferðamannastöðum á suðvesturhorninu og flogið beint til norðurhluta eyjunnar. Fólki býðst líka að fljúga til Akureyrar og heim frá Keflavík eða öfugt og þannig gert ferðalagið um Ísland einfaldara með því að draga úr akstrinum. Við höfum nú þegar fengið fjölda bókanna á þess háttar ferðum,“ segir Andreas Marti, talsmaður Edelweiss, í svari við fyrirspurn Túrista.

Zurich heppilegur tengivöllur fyrir Íslendinga

Edelweiss er ekki hefðbundið áætlunarflugfélag og því er ekki hægt að bóka á heimasíðu félagsins ferðalag sem hefst á Íslandi, bara frá Sviss. Íslendingar eru þó velkomnir um borð en verða þá að bóka ferðina hjá Swiss eða Lufthansa, systurfélögum Edelweiss.

„Ferðir okkar frá Keflavík og Akureyri bjóða upp á góðar tengingar frá Zurich til fjölda áfangastaða um allan heim. Þannig getur fólk sem býr fyrir norðan flugið með okkur til Zurich og þaðan til Grikklands, Ítalíu, Egyptalands og Spánar án þess að þurfa að hefja ferðalagið í Keflavík. Ferðalagið að Miðjarðarhafinu verður því einfaldara fyrir Akureyringa.“

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …