Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna.
Þetta er fjórðungi minna tap en í janúar en í farþegum talið er SAS stærsta flugfélag Norðurlanda.
Í dag eru danska og sænska ríkið stærstu hluthafarnnir en gert er ráð fyrir að bandarískur sjóður eignist mjög stóran hlut þegar boðað hlutafjárútboð í flugfélaginu fer fram síðar á þessu ári.
Sá sjóður hefur reynslu af því að lána flugfélögum sem komin eru á vonarvöl háar upphæðir gegn forkaupsrétti á hlutafé. Segja má að stærsti eigandi Icelandair, Bain Capital, hafi róið á sömu mið líkt og Túristi fjallaði um fyrr í vikunni.