Samfélagsmiðlar

Blendin viðbrögð við minni herbergisþrifum

„Með þessu er verið að reyna að sporna við hækkandi launakostnaði og jafnframt stuðlar þetta að umhverfisvernd," segir Davíð Torfi Ólafsson, forstjóri Íslandshótela, um þá tilhneigingu hjá hótelkeðjum að draga úr verulega úr herbergisþrifum. Kristófer Oliversson hjá Center Hotels segir að gestir hafi ekki fagnað breytingunni.

Á Grand Hótel Reykjavík

Það verður sífellt algengara í Bandaríkjunum að hótelherbergi séu ekki þrifin daglega nema að gesturinn óski sérstaklega eftir því og sé tilbúinn að greiða aukalega fyrir það, eins og Túristi hefur greint frá. Því er haldið fram að margir gestir óski þess að fá að vera í friði með sitt dót og telji sig vera að leggja umhverfinu lið með því að minnka herbergisþrifin.

Lobbí Center Hotel Miðgarði
Í móttökusal Center Hótel Miðgarði – MYND: ÓJ

Túristi leitaði til tveggja stjórnenda hótelkeðja á Íslandi og bar þetta undir þá.

Kristófer Oliversson, eigandi Center Hotels, kannast við þessa tilhneigingu vestanhafs:

„Stóru hótelkeðjurnar hafa verið að feta sín fyrstu skref með þetta. Choice Hotels bjóða upp á frían drykk á barnum í staðinn og það eru ýmsar útfærslur í gangi á þessu. Gestakannanir hafa hinsvegar sýnt að það er ekki ánægja meðal gesta að þurfa að borga sérstaklega fyrir dagleg þrif í viðbót við gistikostnað og gestaskor þessara hótela hefur lækkað.“ 

Kristófer Oliversson
Kristófer Oliversson – MYND: ÓJ

En Kristófer vísar þessu nýja fyrirkomulagi ekki á bug:

„Þetta er áhugavert – og ekki bara sem leið til að spara kostnað, heldur líka til þess að veita persónulegri eða einstaklingsmiðaðri þjónustu. Þarfir yngra fólks og sjálfbærnivitund spila líka inn þarna. Sumum finnst óþarfi að láta skipta um handklæði lín á meðan á dvöl stendur.“

Davíð Torfi Ólafsson
Davíð Torfi Ólafsson – MYND: Íslandshótel

Túristi spyr Davíð Torfa Ólafsson, forstjóra Íslandshótela, Er það framtíðin að daglegum herbergisþrifum verði hætt nema að sérstaklega sé greitt fyrir það?

„Alveg klárlega. Við sjáum flestar hótelkeðjur í heiminum bjóða núna upp á þrif á þriggja daga fresti og svo hafa sumir sett þetta í hendurnar á viðskiptavininum, þ.e. ekkert þrifið nema ef viðkomandi óskar eftir því. Með þessu er verið að reyna að sporna við hækkandi launakostnaði og jafnframt stuðlar þetta að umhverfisvernd.“

Í móttökusal Fosshótel Reykjavík – MYND: ÓJ
Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …