Samfélagsmiðlar

Miklu færri koma frá Kína en vænst var

Kínverskar ferðabókanir til Evrópulanda í mars og apríl eru aðeins um þriðjungur af því sem var í sömu mánuðum fyrir heimsfaraldur. Enn bíða margir ferðafúsir Kínverjar eftir vegabréfsáritun, flugsæti eru fá og mjög dýr og dýrtíð í Evrópu hjálpar ekki til.

Við Rialto-brúna í Feneyjum

Mun færri Kínverjar hafa bókað ferð til Evrópu en vænst var eftir að ferðatakmörkunum var aflétt. Stjórnendur ferðaþjónustufyrirtækja í álfunni hafa margir orðið fyrir vonbrigðum með hæga endurheimt túrista úr austri sem þekktir eru fyrir að eyða töluverðu fé á ferðum sínum.

Biðröð fyrir utan Chanel-búð í Feneyjum – MYND: ÓJ

Fyrir heimsfaraldurinn var áætlað að hver kínverskur túristi eyddi á bilinu 1.500 til 3.000 evrum í Evrópuferð sinni. Þeir kaupa gjarnan mikið af dýrum varningi og gera vel við sig í mat og drykk. Kínverjar voru 10 prósent þeirra túrista sem komu frá löndum utan Evrópu og hafði þeim fjölgað um 350 prósent áratuginn fram að faraldri. 

Gondólar með túrista frá Asíu – MYND: ÓJ

Bókanir Kínverja í Evrópuferðir í mars og apríl eru tæpur þriðjungur af því sem var í sömu mánuðum fyrir faraldur. Fyrir almenna túrista hófst útgáfa vegabréfsáritana 15. mars og gengur hægar en margir óska. Svo er takmarkað framboð af flugsætum til Evrópu og þau eru allt að 80 prósentum dýrari en fyrir faraldur. Almennar verðhækkanir í Evrópu hljóta líka að fæla marga í burtu. Það er því líklegt að fleiri Kínverjar en ella kjósi við þessar aðstæður að fara í skemmri utanlandsferðir – til Hong Kong, Macau og Tælands. Tölur frá þessum stöðum sýna mikla fjölgun túrista frá alþýðulýðveldinu. 

Florian við Markúsartorg bíður fleiri gesta – MYND: ÓJ

Nú bindur evrópskt ferðaþjónustufólk mestar vonir við að Bandaríkjamenn með sterkan dollarann í vasanum bæti upp tekjumissinn sem felst í því að endurheimta ekki kínversku túristana á vormánuðunum – og það hversu aðhaldssamir evrópskir túristar eru vegna dýrtíðarinnar. Sérfræðingar í ferðamálum gera jafnvel ráð fyrir að bandarískir túristar í Evrópu verði fleiri í ár en 2019. Þegar eru merki um að Bandaríkjamenn sem heimsótt hafa París, London og fleiri vinsæla áfangastaði túrista í álfunni kunni vel að meta hversu mikið þeir geta fengið af lífsins gæðum fyrir sterkan dollarinn. 

En svo eiga kínversku túristarnir auðvitað eftir að skila sér betur til Evrópulanda þegar greiðar gengur að afgreiða ferðaheimildir og meira framboð verður á flugferðum – og verðið á þeim lækkar.

Á aðalbrautarstöðinni í Mílanó – MYND: ÓJ
Nýtt efni

Þýski bílaframleiðandinn Mercedes-Benz hefur greint frá því að rafbílnum Vision EQXX hafi á dögunum verið ekið rúmlega 1.000 kílómetra leið frá Riyadh til Dúbæ á einni hleðslu. Meðaleyðslan var 7.4 kílóvattstundir á 100 km. leið. Þetta samsvarar því að bensínbíll eyddi um 0.9 lítrum á 100 km. Ökuleið Vision EQXX lá að sögn framleiðandans um …

„Metnaðurinn hjá hópnum er einstakur og það eru lífsgæði að starfa með jafn öflugu fólki og hér er að finna hjá Play,“ sagði Birgir Jónsson, forstjóri flugfélagsins, í tilkynningu um síðustu mánaðamót. Nú liggur fyrir að Birgir mun kveðja samstarfsfólk sitt um næstu mánaðamót, nokkrum dögum fyrir þriggja ára starfsafmæli sitt hjá Play. Frá þessu …

Nefnd Alþjóðasiglingamálastofnunarinnar (IMO) sem fjallar um verndun sjávar hóf vikulanga fundalotu í London í morgun þar sem m.a. verður rætt um aðgerðir til að draga úr losun CO2 frá kaupskipaflota heimsins. Vinnuhópur hefur fjallað um þau mál síðustu daga. IMO er stofnun Sameinuðu þjóðanna sem ber ábyrgð á öryggi og vernd skipa og vörnum gegn …

Í tilkynningu sem ráðuneyti sem fer með ríkiskaup Póllands sendi um helgina kemur fram að LOT standi nú frammi fyrir þeirri ákvörðun að halda sig við flugvélar brasilíska framleiðandans Embraer fyrir skemmri flugleiðir eða velja frekar vélar frá Airbus í Frakklandi. Leitað verður til beggja framleiðenda og þeir beðnir um tilboð í smíði 84 flugvéla …

Loftmengun hefur minnkað í Evrópu á síðustu 20 árum, samkvæmt nýrri spænskri rannsókn. Þrátt fyrir þetta sýnir rannsóknin líka að loftmengun víðast hvar í Evrópu er enn yfir heilsufarsmörkum.  Í rannsókninni, sem birtist í Nature, voru mengunartölur skoðaðar á 1.400 svæðum, innan 35 ríkja, þar sem 543 milljónir manns búa.  Þrátt fyrir að enn sé …

„Á tiltölulega skömmum tíma er orðið til öflugt íslenskt lággjaldaflugfélag með framúrskarandi vöru og þjónustu og bjarta framtíð. Virk samkeppni í flugi sem skilar sér í lægri fargjöldum, fjölbreyttum áfangastöðum og verðmætum erlendum gestum er sérstaklega mikilvæg fyrir eyju eins og okkar. Slík samkeppni varðar hagsmuni allra Íslendinga. Ég geng þess vegna ákaflega stoltur frá …

Hvað varð um Graham Potter? spyrja margir fótboltaunnendur nú þegar liðið er næstum eitt ár síðan þessi listhneigði fótboltaþjálfari stjórnaði fótboltaliði frá hliðarlínunni. Chelsea var síðasti áfangastaður Potters en þaðan var hann rekinn þann 2. apríl árið 2023 eftir aðeins sjö mánuði í starfi. Potter mætti til Chelsea fullur af bjartsýni eftir glæsislegan þjálfaraferil í …

Skýrslan Policy tools for sustainable and healthy eating - Enabling a food transition in the Nordic countries er unnin í kjölfar útgáfu Norrænna næringarráðleggina (Nordic Nutrition Recommendations) árið 2023 sem var afrakstur fimm ára vinnu hundruða sérfræðinga um ráðlagðar matarvenjur og næringu fólks á Norðurlöndunum og í Eystrasaltsríkjunum. Sú útgáfa hlaut mikla athygli enda í …