Samfélagsmiðlar

Nærri 2 milljarða króna hagnaður og fjölgað í stjórninni

Forstjóri Bláa lónsins segir að horft sé til skráningar félagsins í Kauphöllina í haust.

Ferðaþjónustan komst á gott á skrið síðastliðið vor þegar sóttvarnaraðgerðir vegna Covid-19 heyrðu að mestu sögunni til í okkar heimshluta.

Þessi breytta staða endurspeglast í uppgjöri Bláa lónsins sem skilaði 1,9 milljarða króna hagnaði í fyrra eftir að hafa tapað samanlagt um 4 milljörðum króna árin tvö þar á undan.

Veltan í fyrra nam 15,9 milljörðum króna en hún var 17,1 milljarður árið 2019 en það ár hagnaðist Bláa lónið um þrjá milljarða kr.

Eins og áður hefur komið fram hóf Bláa lónið í fyrra undirbúning að skráningu á aðalmarkað Kauphallarinnar og í tilkynningu sem félagið sendi frá sér í dag er haft eftir Grími Sæmundsen, stofnanda og forstjóra Bláa lónsins, að horft sé til skráningar í haust en tímasetningin sé háð framvindu undirbúningsvinnu og markaðsaðstæðum.

Sjö í stjórn í stað fimm

Haustið 2021 seldu þeir Sigurður Arngrímsson og Helgi Magnússon, hvor fyrir sig, 6,2 prósent hlut í Bláa lóninu. Blávarmi, félag í eigu fjórtán lífeyrissjóða, keypti af Sigurði en Helgi seldi til fjárfestingafélagsins Stoða. Samhliða sölunni lét Helgi af störfum sem stjórnarformaður Bláa lónsins og Úlfar Steindórsson tók við.

Júlíus Þorfinnsson, rekstrarstjóri Stoða, tók svo sæti í varastjórn Bláa lónsins en nú hefur samþykktum fyrirtækisins verið breytt á þann veg að nú verða engir varamenn og þess í stað sitja sjö en ekki fimm í stjórn félagsins.

Fulltrúi Stoða í stjórninni verður Jón Sigurðsson, forstjóri fjárfestingafélagsins. Hann er einnig stjórnarformaður Símans en fjárfestingafélagið er einnig stór hluthafi í Arion banka, Kviku og flugfélaginu Play.

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …