Samfélagsmiðlar

Áfram hækka aukagjöldin hjá Play

kef taska 860

Það kostar sitt að taka með sér stóra tösku í flugið hjá Play.

Þegar Play hóf að selja farmiða fyrir tveimur árum síðan þá þurfti að borga á bilinu 3.400 til 4.600 krónur fyrir að innrita hefðbundna ferðatösku í flug með félaginu. Gjaldið var hækkað í árslok 2021 og aftur í fyrrasumar og nú hefur enn ein hækkunin verið gerð. Farþegar Play sem ætla að ferðast með 20 kílóa tösku verða í dag að borga 5.865 til 7.225 krónur en allt að 8.415 ef 23 kíló eru í töskunni.

Þessar upphæðir eiga aðeins við einn fluglegg og farþegi sem flýgur með Play til Tenerife og heim aftur með 23 kílóa tösku getur þurft að borga allt að 16.830 kr. fyrir farangurinn.

Gjaldtaka Play vegna handfarangurs hefur líka hækkað. Í upphafi kostaði 3.100 að taka með sér tösku í farþegarýmið sem ekki komst undir sætin en núna getur gjaldið fyrir þess háttar farangur verið tvöfalt hærra eða 6.205 krónur.

Hækkunin á sætisgjöldunum nemur helmingi því þau dýrustu kosta núna 6.545 kr. eða voru á 4.200 þegar Play hóf miðasölu vorið 2021. Þá gátu farþegar reyndar aðeins pantað berstrípuð fargjöld þar sem ekkert að ofantöldu var innifalið. Núna býður Play hins vegar upp á þrjár tegundir fargjalda og er farangur og val á sætum hluti af þeim dýrari.

Play er ekki eitt um að rukka aukalega fyrir farangur og val á sætum. Icelandair hefur til að mynda aukið þess háttar gjaldtöku töluvert síðustu ár því í dag geta farþegar með Ecomony Light miða ekki valið sér eitt einasta sæti nema borga greiða aukalega fyrir.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …