Fljúga „innanlandsvélunum“ til útlanda

Þeir sem eiga bóka far með Icelandair til Bergen, Dublin, Manchester eða Óslóar í sumarbyrjun gætu átt von á því að fljúga héðan með Q400 flugvélum félagsins. Þessar flugvélar eru dagsdaglega nýttar í innanlandsflug Icelandair og ferðir til Grænlands.

Spurður um ástæður þess að flugvélarnar verða nýttar í lengri flugferðir þá segir Guðni Sigurðsson, talsmaður Icelandair, að um sé að ræða fyrirbyggjandi aðgerð til að búa til aukið rými til að klára viðhald á flugvélum áður en háönnin hefst.

„Viðhaldsvinna hefur tekið heldur lengri tíma í kjölfar Covid, meðal annars vegna aðfangakeðja, eins og þekkt er orðið. Einungis er um að ræða 14 ferðir á Q400 til áfangastaða utan Íslands og Grænlands í júní. Það nemur tæplega 0,01 prósenti af 1630 ferðum okkar í mánuðinum,“ útskýrir Guðni.

Á árunum fyrir heimsfaraldur flaug Icelandair Q400 flugvélum til bæði Belfast á Norður-Írlandi og skosku borgarinnar Aberdeen en ferðirnar til þessara borga hafa ekki ratað aftur inn á leiðakerfi félagsins.

Fyrsti viðkomustaðurinn í Íslandsferðinni

Grindavík er ekki stórt pláss en þar er að finna marga veitingastaði. Hjá Höllu við Víkurbraut er einn þeirra. Halla María Svansdóttir hefur lagt mikið af mörkum við að þróa matarmenningu í heimabæ sínum. Auk veitingastaða í Grindavik og í Leifsstöð starfrækir hún umsvifamikla fyrirtækja- og veisluþjónustu.

Aðstaða fyrir innanlandsflug ekki á teikniborðinu

Á alþjóðaflugvöllum í löndunum í kringum okkur er innanlandsflug ávallt hluti af starfseminni. Hér á landi snýst rekstur Keflavíkurflugvallar eingöngu um millilandaflug. Íbúar út á landi hafa því ekki kost á því að fljúga úr heimabyggð til eina flugvallarins með reglulegt alþjóðaflug. Ferðamenn sem vilja fljúga út á land við komuna til Íslands verða á … Lesa meira

Ætla að rukka við bresk landamæri

Allir þeir sem ekki eru með vegabréfsáritun munu þurfa að greiða fyrir sérstaka ferðaheimild til að fá að fara yfir bresk landamæri frá og með lokum næsta árs. Fyrirkomulagið verður álíka og þekkist í Bandaríkjunum en þar borga ferðamenn 21 dollar (um 3.000 kr.) fyrir ferðaheimild sem gildir í 2 ár. Ekki liggur fyrir hversu … Lesa meira

Hægir á verðhækkunum fyrir sumarvertíðina

Það má gera ráð fyrir að þúsundir Íslendinga muni fljúga til Spánar nú í sumar og fyrir þennan stóra hóp eru það jákvæð tíðindi að hægt hefur verulega á verðhækkunum á mat og drykk þar í landi. Þessi þróun er helsta ástæða þess að verðbólga á Spáni mældist aðeins 2,9 prósent í maí sem er … Lesa meira

Fjölga flugferðunum hingað um helming milli ára

Delta Air Lines verður með 808 flugferðir í boði milli Íslands og Bandaríkjanna í sumar. Það er fjölgun um helming frá því í fyrra. Mestu munar um hina nýju flugleið Delta milli Íslands og Detroit en í sumar verða 95 ferðir til og frá borginni. Að auki hefur ferðum til New York fjölgað um 26 … Lesa meira