Hringlaga útsýnispallur á fjallsbrún við Seyðisfjörð

Lilja Dögg Alfreðsdóttir, menningar- og viðskiptaráðherra, tilkynnti um úthlutunina í Vík í Mýrdal í síðustu viku. Fjármagnaðar eru framkvæmdir á ferðamannastöðum og leiðum í eigu eða umsjón sveitarfélaga og einkaaðila. Meðal þess sem fé er látið renna í eru framkvæmdir sem lúta að því að auka öryggi ferðamanna, náttúruvernd og uppbyggingu, viðhaldi og vernd mannvirkja, eins og segir í tilkynningu Ferðamálastofu.

_{Frá heimsókn ráðherra í Reynisfjöru – MYND: Ferðamálastofa}

„Verkefnin sem hljóta styrk í ár snúa að fjölbreyttri uppbyggingu um land allt. Það er sérstaklega ánægjulegt að 20 af 28 verkefnum sem hljóta styrk eru skilgreind á áfangastaðaáætlun innan síns svæðis,“ er haft eftir Lilju Dögg.

Hæsti styrkurinn í ár er í verkefnið „Baugur Bjólfs,“ 157,6 milljónir króna, sem er fyrirhugaður útsýnispallur á fjallinu Bæjarbrún, sem er innst í dalnum fyrir ofan Seyðisfjörð. Þaðan er glæsileg útsýn yfir dalinn, kaupstaðinn, fjallahringinn og út fyrir fjarðarmynni. Útsýnispallurinn verður við snjóvarnargarðana í Bjólfi en tindar hans gnæfa þarna yfir.

Aðalhönnuðir í samkeppni um hönnun útsýnispallsins voru Ástríður Birna Árnadóttir og Stefanía Helga Pálmarsdóttir frá Arkibygg arkitektum í samvinnu við Önnu Kristínu Guðmundsdóttur og Kjartan Mogensen landslagsarkitekta, Auði Hreiðarsdóttur frá ESJA ARCHITECTURE og Arnar Björn Björnsson frá Exa Nordic, sem hannaði burðarvirki. Í niðurstöðu dómnefndar sagði: „Einföld, sérstæð og sterk byggingarlist hér á ferð sem dómnefnd telur að geti haft mjög mikið aðdráttarafl og hefur alla burði til þess að bjóða upp á einstaka upplifun.“

Þau verkefni sem hljóta næst hæstu styrkina eru 81,1 milljón króna til að sinna öryggi og náttúruvernd við Stuðlagil og 72 milljónir í útsýnispall sem reisa á í hlíðum Reynisfjalls.

Alls barst 101 umsókn um styrki. Hér að neðan er listi sem birtur er á vef Ferðamálastofu um veitta styrki 2023:

_{157,6 m. kr. Baugur Bjólfs útsýnispallur á Seyðisfirði}
_{81,1 m. kr. Öryggi og náttúrvernd við Stuðlagil}
_{72 m. kr. Útsýnispallur í hlíðum Reynisfjalls}
_{27 m. kr. Hrísey – greið leið um fornar slóðir}
_{24 m. kr. Uppbygging á Englandi í Borgarbyggð}
_{21 m. kr. Yltjörn – Bætt aðgengi}
_{20 m. kr. Seltún – áframhaldandi uppbygging}
_{18,7 m. kr. Múlagljúfur – 2. áfangi. Framkvæmd og frekari hönnun áfangastaðar}
_{15,5 m. kr. Innviðauppbygging, náttúruvernd og öryggismál í selafjörunni við Ytri-Tungu á Snæfellsnesi}
_{13 m. kr. Staðarbjargavík – Hönnun útsýnispalla og stiga}
_{12,3 m. kr. Umbætur í Ölfusdölum – Reykjadalur og nærliggjandi svæði}
_{11,4 m. kr. Spákonufellshöfði – Fasi 2}
_{10,5 m. kr. Hrunalaug uppbygging}
_{10,2 m. kr Stikun og merkingar á gönguleið milli Ólafsfjarðar og Siglufjarðar}
_{8,3 m. kr. Uppbygging Hóla í Hjaltadal sem áfangastaðar fyrir ferðamenn.}
_{6,8 m. kr. Grímsey – bætt upplifun og öryggi}
_{6 m. kr. Gengið úr leirnum}
_{5,9 m. kr. Glymur í botni Hvalfjarðar}
_{5,8 m. kr. Hólmsá-Rauðibotn-Hólmsárlón, skipulag, hönnun og merkingar}
_{4,7 m. kr. Valagil – göngustígur og áfangastaður}
_{4,5 m. kr. Hönnun á aðgengi og sturtuaðstöðu á Langasandi.}
_{3,3 m. kr. Stikun og merkingar gönguleiðar yfir Fimmvörðuháls}
_{3 m. kr. Göngustígar og aðgengi Listasafni Samúels í Selárdal}
_{2,8 m. kr. Gönguleið að Selvíkurvita og rústum Evangers – 1. Hluti}
_{2,5 m. kr. Bætt aðgengi að Sviðsetningu Haugsnesbardaga}
_{600 þ. kr. Merking gönguleiðarinnar um Snæfjallahringinn}
_{500 þ. kr. Áningarhólf við Skjöld í Stykkishólmi-Helgafellssveit}
_{460 þ. kr. Gönguleið: Fellsströnd – Skarðsströnd}

Fyrsti viðkomustaðurinn í Íslandsferðinni

Grindavík er ekki stórt pláss en þar er að finna marga veitingastaði. Hjá Höllu við Víkurbraut er einn þeirra. Halla María Svansdóttir hefur lagt mikið af mörkum við að þróa matarmenningu í heimabæ sínum. Auk veitingastaða í Grindavik og í Leifsstöð starfrækir hún umsvifamikla fyrirtækja- og veisluþjónustu.

Aðstaða fyrir innanlandsflug ekki á teikniborðinu

Á alþjóðaflugvöllum í löndunum í kringum okkur er innanlandsflug ávallt hluti af starfseminni. Hér á landi snýst rekstur Keflavíkurflugvallar eingöngu um millilandaflug. Íbúar út á landi hafa því ekki kost á því að fljúga úr heimabyggð til eina flugvallarins með reglulegt alþjóðaflug. Ferðamenn sem vilja fljúga út á land við komuna til Íslands verða á … Lesa meira

Ætla að rukka við bresk landamæri

Allir þeir sem ekki eru með vegabréfsáritun munu þurfa að greiða fyrir sérstaka ferðaheimild til að fá að fara yfir bresk landamæri frá og með lokum næsta árs. Fyrirkomulagið verður álíka og þekkist í Bandaríkjunum en þar borga ferðamenn 21 dollar (um 3.000 kr.) fyrir ferðaheimild sem gildir í 2 ár. Ekki liggur fyrir hversu … Lesa meira

Hægir á verðhækkunum fyrir sumarvertíðina

Það má gera ráð fyrir að þúsundir Íslendinga muni fljúga til Spánar nú í sumar og fyrir þennan stóra hóp eru það jákvæð tíðindi að hægt hefur verulega á verðhækkunum á mat og drykk þar í landi. Þessi þróun er helsta ástæða þess að verðbólga á Spáni mældist aðeins 2,9 prósent í maí sem er … Lesa meira

Fjölga flugferðunum hingað um helming milli ára

Delta Air Lines verður með 808 flugferðir í boði milli Íslands og Bandaríkjanna í sumar. Það er fjölgun um helming frá því í fyrra. Mestu munar um hina nýju flugleið Delta milli Íslands og Detroit en í sumar verða 95 ferðir til og frá borginni. Að auki hefur ferðum til New York fjölgað um 26 … Lesa meira

Hringlaga útsýnispallur á fjallsbrún við Seyðisfjörð

Meðal verkefna sem fá styrk úr Framkvæmdasjóði ferðamannastaða er Baugur Bjólfs, hringlaga útsýnispallur á Bæjarbrún með útsýn yfir Seyðisfjörð. Alls hljóta 28 verkefni styrki fyrir árið 2023. Samtals nema styrkirnir 550 milljónum króna.

Gistinæturnar fleiri en áður en tómu hótelherbergin í meirihluta víða um land

Einn helsti keppinautur íslensku félaganna rekinn með bullandi tapi