Samfélagsmiðlar

Rekstur Niceair stöðvast

Þota Niceair á Akureyrarflugvelli.

Jómfrúarferð Niceair frá Akureyri var farin í byrjun júní í fyrra og síðasta brottförin var á dagskrá um nýliðna helgi því nú hefur verið gert hlé á rekstri félagsins. Í tilkynningu segir að þetta sé gert í ljósi þess að erlendur flugrekstraraðili félagsins, HiFly, hafi misst einu þotu félagsins vegna vanskila við eiganda flugvélarinnar.

„Þetta gerir Niceair ómögulegt að standa við skuldbindingar gagnvart flugfarþegum. Þrátt fyrir góðan árangur á sl. ári, sterka bókunarstöðu og góðar horfur inn í árið 2023, þá er upp komin staða sem gerir Niceair ómögulegt að veita þá þjónustu sem til stóð. Því verður gert hlé á starfseminni og stefnt að endurskipulagningu,“ segir í tilkynningu.

Þar er haft eftir Þorvaldi Lúðvík Sigurjónssyni, stofnanda og framkvæmdastjóra Niceair, að niðurstaðan sé sorgleg en félagið hafi nýverið lokið við „fjármögnunarlotu sem tryggja á rekstur þess fram veginn.“

Farþegum Niceair er bent á að senda fyrirspurnir í gegnum heimasíðu félagsins.

Þessa tíu mánuði sem Niceair var í loftinu hélt félagið úti áætlunarflugi til Kaupmannahafnar og Tenerife og bauð einnig upp á stakar ferðir til annarra áfangastaða.

Áform um áætlunarflug til London og Manchester runnu út í sandinn þar sem bresk flugmálayfirvöld gáfu ekki leyfi fyrir útgerðinni en Niceair var ekki flugrekandi heldur leigði þotu og áhöfn frá HiFly líkt og fyrr segir.

Þessi tíðindi af Niceair koma í beinu framhaldi af ákvörðun stjórnenda þýska flugfélagsins Condor um að hætta áætlunarflugi til bæði Akureyrar og Egilsstaða frá Frankfurt. Ekkert varð heldur af áformum Icelandair um beint flug milli Keflavíkurflugvallar og Akureyrar í sumar en reiknað er með þær ferðir hefjist á næsta ári.

Eins og staðan er í dag verður hið svissneska Edelweiss eitt um að halda úti millilandaflugi til og frá Akureyri en Túristi hafði það eftir talsmanni félagsins nýverið að eftirspurn eftir ferðum félagsins, til bæði Keflavíkurflugvallar og Akureyrar, væri gríðarleg.

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …