Þó farþegar í útsýnisflugi, millilandaflugi og einkaflugi séu meðtaldir þá fækkar þeim sem fljúga til og frá öðrum flugvöllum en Keflavíkurflugvelli. Í apríl taldi hópurinn rúmlega 52 þúsund farþega sem umtalsverð fækkun frá árunum 2016 til 2018.
Þá fór fjöldinn mest upp í nærri 68 þúsund farþega en það var árið 2018 þegar fjöldi erlendra ferðamanna hér á landi var mestur. Kannanir Ferðamálastofu hafa þó sýnt að túristar nýta sér í litlum mæli innanlandsflug, árið 2018 sagðist aðeins 1,7 prósent ferðamanna hafa flogið innanlands og var hlutfallið var langhæst meðal Skandinava.
Það var útlit fyrir annasama verðtíð á Akureyrarflugvelli en þýska flugfélagið Condor hætti hins vegar við flug sitt þangað frá Frankfurt og í byrjun apríl stöðvaðist rekstur Niceair. Stjórnendur Icelandair ákváðu einnig að bíða með að hefja á ný áætlunarflug milli Keflavíkurflugvallar og Akureyrar.