Forstjóraskipti hjá Arctic Adventures

Gréta María Grétarsdóttir, forstjóri Arctic Adventures, hefur sagt upp stöðu sinni og hefur Ásgeir Baldurs verið ráðinn í hennar stað. Gréta kom til starfa hjá Arctic Adventures í árslok 2021 en var áður framkvæmdastjóri hjá Brimi og Krónunni.

Ásgeir hefur víðtæka reynslu úr atvinnulífinu bæði sem stjórnandi, ráðgjafi, fjárfestingastjóri og stjórnarmaður. Hann var forstjóri VÍS, fjárfestingarstjóri TM, forstöðumaður í fyrirtækjaráðgjöf Kviku og forstöðumaður sérhæfðra fjárfestinga hjá Kviku.

Ásgeir hefur störf á næstu dögum að því segir í tilkynningu.

Arctic Adventures er eitt stærsta ferðaþjónustufyrirtæki landsins og skipuleggur, selur og sér um framkvæmd ferða og afþreyingar um allt land. Ársvelta félagsins var um 5,2 milljarðar króna í fyrra.

Fjárfestingafélagið Stoðir eignaðist í lok apríl 35 prósent hlut í Arctic Adventures en aðrir stórir hluthafar eru Icelandic Tourism Fund, framtakssjóður í rekstri Landsbréfa, með fimmtungs hlut og Freyja, framtakssjóður á vegum Kviku eignastýringar, með 16 prósent hlut.

Fyrsti viðkomustaðurinn í Íslandsferðinni

Grindavík er ekki stórt pláss en þar er að finna marga veitingastaði. Hjá Höllu við Víkurbraut er einn þeirra. Halla María Svansdóttir hefur lagt mikið af mörkum við að þróa matarmenningu í heimabæ sínum. Auk veitingastaða í Grindavik og í Leifsstöð starfrækir hún umsvifamikla fyrirtækja- og veisluþjónustu.

Aðstaða fyrir innanlandsflug ekki á teikniborðinu

Á alþjóðaflugvöllum í löndunum í kringum okkur er innanlandsflug ávallt hluti af starfseminni. Hér á landi snýst rekstur Keflavíkurflugvallar eingöngu um millilandaflug. Íbúar út á landi hafa því ekki kost á því að fljúga úr heimabyggð til eina flugvallarins með reglulegt alþjóðaflug. Ferðamenn sem vilja fljúga út á land við komuna til Íslands verða á … Lesa meira

Ætla að rukka við bresk landamæri

Allir þeir sem ekki eru með vegabréfsáritun munu þurfa að greiða fyrir sérstaka ferðaheimild til að fá að fara yfir bresk landamæri frá og með lokum næsta árs. Fyrirkomulagið verður álíka og þekkist í Bandaríkjunum en þar borga ferðamenn 21 dollar (um 3.000 kr.) fyrir ferðaheimild sem gildir í 2 ár. Ekki liggur fyrir hversu … Lesa meira

Hægir á verðhækkunum fyrir sumarvertíðina

Það má gera ráð fyrir að þúsundir Íslendinga muni fljúga til Spánar nú í sumar og fyrir þennan stóra hóp eru það jákvæð tíðindi að hægt hefur verulega á verðhækkunum á mat og drykk þar í landi. Þessi þróun er helsta ástæða þess að verðbólga á Spáni mældist aðeins 2,9 prósent í maí sem er … Lesa meira

Fjölga flugferðunum hingað um helming milli ára

Delta Air Lines verður með 808 flugferðir í boði milli Íslands og Bandaríkjanna í sumar. Það er fjölgun um helming frá því í fyrra. Mestu munar um hina nýju flugleið Delta milli Íslands og Detroit en í sumar verða 95 ferðir til og frá borginni. Að auki hefur ferðum til New York fjölgað um 26 … Lesa meira