Það voru rúmlega 60 þúsund farþegar sem áttu leið um aðra flugvelli en Keflavíkurflugvöll í mars síðastliðnum. Til samanburðar voru farþegarnir 69 þúsund í mars árið 2017 en síðan þá hefur Icelandair dregið úr Grænlandsflugi úr Vatnsmýrinni og flutt útgerðina til Keflavíkurflugvallar.
Það er ein af skýringum þess að farþegar á Reykjavíkurflugvelli eru nokkru færri nú en á árunum 2016 til 2018 eins og sjá má hér fyrir neðan. Hafa ber í huga að ferðamenn í útsýnisflugi eru meðtaldir í farþegatölunum og eins þeir sem fljúga til og frá landinu í einkaþotum.
Á Akureyri voru farþegarnir í mars sl. hins vegar fleiri en þeir hafa verið á þessum tíma árs en skýringin á því liggur m.a. í umsvifum Niceair. Rekstur þess félags stöðvaðist aftur á móti í byrjun apríl og því má gera ráð fyrir uppsveiflunni fyrir norðan sé lokið í bili.