Play meðal þeirra 100 bestu en Icelandair ekki

Singapore Airlines er fremsta flugfélag heims samkvæmt árlegum lista World Travel Awards yfir 100 bestu flugfélögin. Listinn sem byggir á umsögnum flugfarþega var birtur var í síðustu viku og sem fyrr leita niðurstöðurnar í fjölmiðlar hér og þar um heiminn.

^{Mr Goh Choon Phong, forstjóri Singapore Airlines, tók við viðurkenningunni fyrir hönd félagsins. Mynd: WTA}

Átta flugfélög frá Asíu eru meðal þeirra tíu bestu og reyndar mætti telja Turkish Airlines með enda er Tyrkland líka hluti af þeirri heimsálfu. Fara þarf niður í 18. sætið til að finna flugfélag sem flýgur reglulega til Íslands en það er British Airways. Tveimur sætum neðar er Delta sem einnig heldur úti Íslandsflugi og er félagið jafnframt fremsti fulltrúi Bandaríkjanna á listanum.

Af norrænu flugfélögunum er Finnair efst á blaði eða í 24. sæti. Sextíu sætum neðar er SAS og í 91. sæti er Play. Norwegian er 98. sæti .

Icelandair kemst ekki á blað en félagið var ávallt á listanum á síðasta áratug eins og sjá má hér fyrir neðan. Wow Air komst þó aldrei í hóp þeirra 100 bestu hjá World Travel Awards.

Sætin sem Icelandair hefur vermt síðustu ár á lista World Travel Awards yfir 100 bestu flugfélögin:

2019: 100. sæti
2018: 87. sæti
2017: 82. sæti
2016: 81. sæti
2015: 81. sæti
2014: 81. sæti
2013: 73. sæti
2012: 88. sæti

Íhuga að rukka notendur Instagram og Facebook

Stjórnendur samfélagsmiðlasamsteypunnar Meta, sem á Facebook, Instagram og WhatsApp, leggja nú mat á kosti og galla þess að rukka notendur Facebook og Instagram mánaðargjald. Upphæðin yrði 14 bandaríkjadollarar eða um 2.000 krónur. Ef af verður þá verður gjaldið lagt á innan nokkurra mánaða samkvæmt frétt Wall Street Journal. Gjaldið er þó valfrjálst því það munu … Lesa meira

Óseldu sætin fá hjá þeim stærstu

Það voru nærri 16 milljónir farþega sem nýttu sér áætlunarferðir Ryanair í síðasta mánuði og að jafnaði voru 94 af hverjum 100 sætum seld. Ryanair er stærsta flugfélag Evrópu í farþegum en ennþá flýgur félagið ekki hingað til lands. Það gerir hins vegar Wizz Air sem er næststærsta lágfargjaldaflugfélag Evrópu. Í nýliðnum september flaug það … Lesa meira

Stöðva tímabundið framleiðslu á minni rafbílum

Þó sala á rafbílum aukist jafnt og þétt þá ætlar þýski bílarisinn Volkswagen að gera stutt hlé á framleiðslu á tveimur tegundum rafbíla. Hörð samkeppni við kínverska bílaframleiðendur kemur nefnilega illa við Volkswagen samkvæmt frétt Bloomberg. Eftirspurn eftir Volkswagen ID3 og Cupra Born hefur minnkað og sérstaklega í heimalandinu bílaframleiðandans, Þýskalandi. Af þeim sökum verður … Lesa meira

Þær 15 borgir sem oftast var flogið til

Það var flogið reglulega frá Keflavíkurflugvelli til nærri 80 flugvalla í nýliðnum september og oftast tóku þoturnar stefnuna á flugvellina við höfuðborg Bretlands. Ferðirnar þangað voru að meðaltali nærri 6 á dag en umferðin héðan til Kaupmannahafnar var litlu minni. Þar í borg lenda allar þoturnar á sama stað á meðan Íslandsflugið frá London dreifist … Lesa meira

Play meðal þeirra 100 bestu en Icelandair ekki

EasyJet ræðst til atlögu við rokksveit frá Leicester

Búast má við harðnandi samkeppni hótela og Airbnb

Evrópusambandið hagnast á afsláttarstefnu Breta í losunarmálum

Íhuga að rukka notendur Instagram og Facebook

Óseldu sætin fá hjá þeim stærstu

Stöðva tímabundið framleiðslu á minni rafbílum

Troðningur – eða bara tuð?

Þær 15 borgir sem oftast var flogið til