Öflug rafhleðslustöð Brimborgar brátt opnuð við Keflavíkurflugvöll

„Brimborg er að stíga skref á hleðslumarkaðnum til að flýta innviðauppbyggingu og opnar öflugustu hleðslustöð landsins í Reykjanesbæ í næsta mánuði, sem mun þjóna íbúum, ferðamönnum og flutningabílum,“ segir Egill Jóhannsson, forstjóri Brimborgar, í helga r viðtali við Túrista.

_{Egill Jóhannsson, forstjóri Brimborgar – MYND: ÓJ}

Framkvæmdir standa nú yfir við hleðslustöðina á Flugvöllum í Reykjanesbæ, sem er nærri flugstöðinni.

Rafmagnsvinnuvél sér um jarðvinnu og aðföng eru flutt á rafmagnssendibíl.

_{MYND: Brimborg}

Stöðin er af gerðinni Kempower, með hleðsluafköst allt að 600 kW og verður hægt að hlaða átta ökutæki af öllum stærðum og gerðum í einu. Brimborg hefur samið við HS veitur um orku og hefur heimtaug þegar verið virkjuð. Allir með hleðsluappið e1 geta notað stöðina.

Þetta er fjöltengjastöð með átta öflugum tengjum og verður hægt að fá góða hleðslu fyrir fólksbíla og vörubíla á stuttum tíma.

Í helgarviðtalinu við Túrista gagnrýndi Egill Jóhannsson skort á framsýni og stefnufestu í málum sem varða rafbílavæðingu landsins og nýtingu íslenskrar orku til samgangna:

„Við höfum verið of róleg. Það er ekki nóg að setja sér metnaðarfull markmið í orkuskiptum og fara svo bara heim og hugsa: Þetta reddast. Aðgerðir þurfa að vera jafn metnaðarfullar. Það hefði einhver þurft að vera nógu framsýnn og segja: Rafbílar munu koma. Við ætlum að byggja innviðina hraðar en hingað til – þó þeir verði ekki fullnýttir til að byrja með. – En til að hafa slíka framsýni þarf að skilja bílamarkaðinn. Það vantar skilning í stjórnkerfinu á bílamarkaðnum. Allar þessar upplýsingar eru aðgengilegar á netinu. Menn þurfa bara að gúgla aðeins, lesa sér til, heyra í fólki í bílgreininni, fylgjast með.“

Nýja stöðin mun ekki síst þjóna þeim sem aka til og frá Keflavíkurflugvelli á bílaleigubílum en Brimborg starfrækir þrjár bílaleigur: Thrifty, Dollar og Saga.

_{MYND: Brimborg}

Munu líka skoða framleiðslu Tesla í Kína

„Ódýrir kínverskir rafbílar flæða inn á heimsmarkaðinn. Verðinu er haldið óeðlilega lágu með háum ríkisstyrkjum,“ sagði Ursula von der Leyen, forseti framkvæmdastjórnar Evrópusambandsins, í stefnuræðu sem hún flutti í Brussel fyrir tveimur vikum síðan. Þar boðaði hún rannsókn á meintum samkeppnisbrotum Kínverja vegna ríkisstuðnings þeirra og niðurgreiðslna á verði rafbíla til útflutnings. Það eru þó … Lesa meira

Ástralskir vínframleiðendur í vanda

Um tveir milljarðar lítra af víni eru í geymslum ástralskra vínframleiðenda sem bíða þess að greiðist úr samskiptum við Kína, sem setti tolla á víninnflutninginn árið 2020 - í miðjum heimsfaraldrinum. Síðan þá hefur líka dregið úr vínneyslu Kínverja eins og margra annarra þjóða.

Fjölga ferðunum hingað frá bílaborginni

Hið bandaríska Delta hóf flug til Keflavíkurflugvallar árið 2011 og hefur síðustu mánuði haldið úti daglegum ferðum hingað frá bæði New York og Minneapolis. Nú í sumar spreytti Delta sig jafnframt á áætlunarflugi hingað frá Detroit í fyrsta sinn. Þegar sumarvertíðinni lýkur formlega í lok október munu þotur félagsins hafa flogið um 800 ferðir milli … Lesa meira

Evrópsk útþynning í baráttu gegn bílamengun

Ráðherraráð Evrópusambandsins féllst ekki á harðar aðgerðir gegn hættulegri örmengun frá bílum sem Framkvæmdastjórnin hafði lagt til. Fulltrúar Dana eru mjög ósáttir og segja brýnt að grípa til aðgerða. Talið er að bílamengun valdi ótímabærum dauðdaga um 300 þúsund Evrópubúa á ári hverju.

8 milljarða tap í ágúst

Það voru um 2,3 milljónir farþega sem nýttu sér flugferðir SAS í ágúst en fargjöld þessa hóps dugðu ekki til standa undir kostnaði því flugfélagið tapaði 638 milljónum sænskra króna í ágúst samkvæmt tilkynningu. Tapið jafngildir 7,9 milljörðum íslenskra króna. SAS hefur notið gjaldþrotaverndar bandarískra dómstóla frá því í júlí í fyrra og verður að … Lesa meira

Nærri þriðji hver flugumferðastjóri veikur

Aflýsa þarf tugum flugferða til og frá Gatwick flugvelli í London næstu daga vegna veikinda meðal flugumferðastjóra. Um 30 prósent þeirra þurfa að halda sig heima næstu daga og er fjöldi þeirra með Covid samkvæmt frétt The Independent. Vegna stöðunnar verður umferðin um flugvöllinn takmörkuð við 800 flugferðir á sólarhring sem þýðir að aflýsa þarf … Lesa meira