Rólegur dagur á Akureyri

Samkvæmt upplýsingum á heimasíðu Akureyrarhafnar má ætla að hátt í 4.000 farþegar komi á land af skemmtiferðaskipum í dag. Skipin sem koma eru Norwegian Star, Amadea, Viking Jupiter og könnunarskipið National Geographic Explorer. Þegar svo mörg skip koma til hafnar sama daginn gæti reynt á gestrisni einhverra. Fimmta skipið kemur til Grímseyjar.

_{Glæsiskipið Norwegian Prima á Oddeyrartanga – MYNDIR: ÓJ}

Gærdagurinn, 24. júlí, var í rólegri kantinum nyrðra, aðeins eitt skemmtiferðaskip lagðist að bryggjunni á Oddeyrartanga, en það var af stærri gerðinni: Norwegian Prima, 294 metra langt og 44 metra breitt, með um 3.200 farþega og 1.500 manna áhöfn. Norwegian Prima er nýlegt skip, hóf siglingar á síðasta ári. Það er í eigu Norwegian Cruise Line Holdings og skráð í Nassau á Bahamaeyjum.

_{Farþegar fara í land – MYNDIR: ÓJ}

Þetta er annasamt skipasumar á Akureyri. Búist er 212 heimsóknum 84 skipa með yfir 270 þúsund farþega og 120 þúsund manns í áhöfnum. Þessari miklu umferð fylgir augljóslega mikil loftmengun og álag á miðbænum – en um leið töluverð viðskipti við ferðaþjónustufyrirtæki, verslanir og veitingahús. Stór hluti farþega fer þó í skoðunarferðir úr bænum, austur í Mývatnssveit og annað, og kemur til baka að kvöldi.

_{Úr miðbæ Akureyrar – MYNDIR: ÓJ}

Unnið er að því að gera nýjan viðlegukant við Torfunef. Aðstaða fyrir ferðaþjónustubáta og aðra batnar til una og minnstu skemmtiferðaskipin geta hugsanlega lagst þar að bryggju í framtíðinni.

Óhætt er að segja að skemmtiferðaskipin séu að breyta bæjarbrag og ásýnd Akureyrar.

_{Unnið er að gerð nýs hafnarsvæðis við Torfunef – og endurbótum á kirkjutröppunum – MYNDIR: ÓJ}

Íhuga að rukka notendur Instagram og Facebook

Stjórnendur samfélagsmiðlasamsteypunnar Meta, sem á Facebook, Instagram og WhatsApp, leggja nú mat á kosti og galla þess að rukka notendur Facebook og Instagram mánaðargjald. Upphæðin yrði 14 bandaríkjadollarar eða um 2.000 krónur. Ef af verður þá verður gjaldið lagt á innan nokkurra mánaða samkvæmt frétt Wall Street Journal. Gjaldið er þó valfrjálst því það munu … Lesa meira

Óseldu sætin fá hjá þeim stærstu

Það voru nærri 16 milljónir farþega sem nýttu sér áætlunarferðir Ryanair í síðasta mánuði og að jafnaði voru 94 af hverjum 100 sætum seld. Ryanair er stærsta flugfélag Evrópu í farþegum en ennþá flýgur félagið ekki hingað til lands. Það gerir hins vegar Wizz Air sem er næststærsta lágfargjaldaflugfélag Evrópu. Í nýliðnum september flaug það … Lesa meira

Stöðva tímabundið framleiðslu á minni rafbílum

Þó sala á rafbílum aukist jafnt og þétt þá ætlar þýski bílarisinn Volkswagen að gera stutt hlé á framleiðslu á tveimur tegundum rafbíla. Hörð samkeppni við kínverska bílaframleiðendur kemur nefnilega illa við Volkswagen samkvæmt frétt Bloomberg. Eftirspurn eftir Volkswagen ID3 og Cupra Born hefur minnkað og sérstaklega í heimalandinu bílaframleiðandans, Þýskalandi. Af þeim sökum verður … Lesa meira

Þær 15 borgir sem oftast var flogið til

Það var flogið reglulega frá Keflavíkurflugvelli til nærri 80 flugvalla í nýliðnum september og oftast tóku þoturnar stefnuna á flugvellina við höfuðborg Bretlands. Ferðirnar þangað voru að meðaltali nærri 6 á dag en umferðin héðan til Kaupmannahafnar var litlu minni. Þar í borg lenda allar þoturnar á sama stað á meðan Íslandsflugið frá London dreifist … Lesa meira

Rólegur dagur á Akureyri

Fjögur skemmtiferðaskip koma til hafnar á Akureyri í dag en gærdagurinn var rólegur: Aðeins eitt skip við Tangabryggju á Oddeyri: Norwegian Prima. Farþegar af skipinu voru þó áberandi í bænum.

EasyJet ræðst til atlögu við rokksveit frá Leicester

Búast má við harðnandi samkeppni hótela og Airbnb

Evrópusambandið hagnast á afsláttarstefnu Breta í losunarmálum

Íhuga að rukka notendur Instagram og Facebook

Óseldu sætin fá hjá þeim stærstu

Stöðva tímabundið framleiðslu á minni rafbílum

Troðningur – eða bara tuð?

Þær 15 borgir sem oftast var flogið til