Umferðin um Schiphol verður skorin niður

Óhætt er að segja að ákvörðun hollensku ríkisstjórnarinnar um að takmarka flugtök og lendingar á Schiphol-flugvelli við Amsterdam við 440 þúsund á ári hafi farið öfugt ofan í stjórnendur evrópskra flugfélaga. Þeir leituðu því til hollenskra dómstóla en höfðu ekki erindi sem erfiði því samkvæmt nýjum dómi eru hollenskir ráðamenn í fullum rétti til að draga úr umsvifunum á Schiphol.

Þar með stefnir í að fækka þurfi lendingarleyfum á þessum fjölfarna flugvelli um meira en tíund strax næsta vor. Um leið verða allar flugferðir bannaðar fyrir klukkan sex á morgnana og eins kemur til greina að banna flug háværra farþegavéla og einkaþota. Gripið er til þessara ráðstafana vegna langvarandi og háværra mótmæla íbúa í grennd við völlinn eins og Túristi hefur áður farið yfir.

Schiphol er heimavöllur KLM og talið er viðbúið að það félag þurfi að endurskipuleggja leiðakerfi sitt og jafnvel nýta stærri þotur en áður. Hvort niðurskurðurinn hafi áhrif á Íslandsflug frá Amsterdam á eftir að koma í ljós en í dag fljúga bæði íslensku flugfélögin til borgarinnar og Transavia heldur úti áætlunarflugi þaðan til Keflavíkur.

Munu líka skoða framleiðslu Tesla í Kína

„Ódýrir kínverskir rafbílar flæða inn á heimsmarkaðinn. Verðinu er haldið óeðlilega lágu með háum ríkisstyrkjum,“ sagði Ursula von der Leyen, forseti framkvæmdastjórnar Evrópusambandsins, í stefnuræðu sem hún flutti í Brussel fyrir tveimur vikum síðan. Þar boðaði hún rannsókn á meintum samkeppnisbrotum Kínverja vegna ríkisstuðnings þeirra og niðurgreiðslna á verði rafbíla til útflutnings. Það eru þó … Lesa meira

Ástralskir vínframleiðendur í vanda

Um tveir milljarðar lítra af víni eru í geymslum ástralskra vínframleiðenda sem bíða þess að greiðist úr samskiptum við Kína, sem setti tolla á víninnflutninginn árið 2020 - í miðjum heimsfaraldrinum. Síðan þá hefur líka dregið úr vínneyslu Kínverja eins og margra annarra þjóða.

Fjölga ferðunum hingað frá bílaborginni

Hið bandaríska Delta hóf flug til Keflavíkurflugvallar árið 2011 og hefur síðustu mánuði haldið úti daglegum ferðum hingað frá bæði New York og Minneapolis. Nú í sumar spreytti Delta sig jafnframt á áætlunarflugi hingað frá Detroit í fyrsta sinn. Þegar sumarvertíðinni lýkur formlega í lok október munu þotur félagsins hafa flogið um 800 ferðir milli … Lesa meira

Evrópsk útþynning í baráttu gegn bílamengun

Ráðherraráð Evrópusambandsins féllst ekki á harðar aðgerðir gegn hættulegri örmengun frá bílum sem Framkvæmdastjórnin hafði lagt til. Fulltrúar Dana eru mjög ósáttir og segja brýnt að grípa til aðgerða. Talið er að bílamengun valdi ótímabærum dauðdaga um 300 þúsund Evrópubúa á ári hverju.

8 milljarða tap í ágúst

Það voru um 2,3 milljónir farþega sem nýttu sér flugferðir SAS í ágúst en fargjöld þessa hóps dugðu ekki til standa undir kostnaði því flugfélagið tapaði 638 milljónum sænskra króna í ágúst samkvæmt tilkynningu. Tapið jafngildir 7,9 milljörðum íslenskra króna. SAS hefur notið gjaldþrotaverndar bandarískra dómstóla frá því í júlí í fyrra og verður að … Lesa meira

Nærri þriðji hver flugumferðastjóri veikur

Aflýsa þarf tugum flugferða til og frá Gatwick flugvelli í London næstu daga vegna veikinda meðal flugumferðastjóra. Um 30 prósent þeirra þurfa að halda sig heima næstu daga og er fjöldi þeirra með Covid samkvæmt frétt The Independent. Vegna stöðunnar verður umferðin um flugvöllinn takmörkuð við 800 flugferðir á sólarhring sem þýðir að aflýsa þarf … Lesa meira