„Við verðum að móta skýra stefnu hvað þetta varðar í takt við hvernig við viljum þróa ferðaþjónustu hér á landi til framtíðar, ekki láta hlutina þróast einhvern veginn. Þessi hluti ferðaþjónustunnar verður að vera sjálfbær eins og allt annað í greininni. Við hjá Icelandair höfum lengi sagt að það eigi ekki að horfa á fjöldann sem hingað kemur heldur hvað ferðamaðurinn skilur eftir sig. Við þurfum að einblína á verðmætin sem skapast af komu ferðamanna, það verður að vera meira en hann tekur, annars er greinin ekki sjálfbær. Þessi hugsun verður að vera til staðar hvað varðar skemmtiferðaskipin sem og ferðaþjónustuna í heild," segir Bogi Nils Bogason, forstjóri Icelandair, spurður út í aukinn straum skemmtiferðaskipa til landsins.