Ísland ekki á dagskrá hjá þriðja bandaríska risanum

Það voru nærri eitt hundrað þúsund farþegar sem nýttu sér áætlunarferðir milli Keflavíkurflugvallar og Dallas í Texas sumarið 2018 en þá var í fyrsta sinn boðið upp á Íslandsflug frá bandarísku borginni. Og framboðið var merkilega mikið því American Airlines, Icelandair og Wow Air héldu öllu úti tíðum ferðum á þessari leið.

Segja má að þau tvö fyrrnefndu hafi í raun verið að bregðast við auknum umsvifum flugfélags Skúla Mogensen.

Það var nefnilega í lok sumarvertíðar árið 2017 sem Wow Air hóf sölu á flug til Dallas og nokkrum dögum seinna tilkynnti Icelandair að félagið ætlaði líka að fara þessa leið næsta sumar. Tveimur mánuðum síðar boðaði American Airlines svo komu sína til landsins.

Þar með var ljóst að Íslandsflug var komið á dagskrá þriggja stærstu flugfélaga Bandaríkjanna. Hin tvö, Delta og United Airlines, voru þá bæði komin með reynslu af flugi hingað til lands.

^{Það er ekki útlit fyrir að þotur American Airlines taki stefnuna á Ísland næsta sumar. Mynd: AA}

Útgerðin í Dallas gekk þó ekki upp hjá Icelandair og Wow Air og bæði tóku flugið þangað af dagskrá strax um haustið. American Airlines mætti hins vegar aftur sumarið eftir en hefur ennþá ekki tekið upp þráðinn eftir heimsfaraldur. Reyndar hafði félagið boðað að Íslandsflugið yrði færst frá Dallas til Philadelphia sumarið 2020 en kórónuveirufaraldurinn kom í veg fyrir að þau áform yrðu að veruleika.

Og það stefnir í að biðin eftir því að American Airlines snúi aftur til Íslands verði lengri. Félagið kynnti nefnilega í gær að evrópsku borgirnar Kaupmannahöfn, Nice og Napolí myndu bætast við leiðakerfið næsta sumar. Keflavíkurflugvöllur komst því ekki á blað og talsmaður American Airlines segir í svari til Túrista að ekkert sé að frétta á þessari stundu af fleiri nýjum áfangastöðum.

Munu líka skoða framleiðslu Tesla í Kína

„Ódýrir kínverskir rafbílar flæða inn á heimsmarkaðinn. Verðinu er haldið óeðlilega lágu með háum ríkisstyrkjum,“ sagði Ursula von der Leyen, forseti framkvæmdastjórnar Evrópusambandsins, í stefnuræðu sem hún flutti í Brussel fyrir tveimur vikum síðan. Þar boðaði hún rannsókn á meintum samkeppnisbrotum Kínverja vegna ríkisstuðnings þeirra og niðurgreiðslna á verði rafbíla til útflutnings. Það eru þó … Lesa meira

Ástralskir vínframleiðendur í vanda

Um tveir milljarðar lítra af víni eru í geymslum ástralskra vínframleiðenda sem bíða þess að greiðist úr samskiptum við Kína, sem setti tolla á víninnflutninginn árið 2020 - í miðjum heimsfaraldrinum. Síðan þá hefur líka dregið úr vínneyslu Kínverja eins og margra annarra þjóða.

Fjölga ferðunum hingað frá bílaborginni

Hið bandaríska Delta hóf flug til Keflavíkurflugvallar árið 2011 og hefur síðustu mánuði haldið úti daglegum ferðum hingað frá bæði New York og Minneapolis. Nú í sumar spreytti Delta sig jafnframt á áætlunarflugi hingað frá Detroit í fyrsta sinn. Þegar sumarvertíðinni lýkur formlega í lok október munu þotur félagsins hafa flogið um 800 ferðir milli … Lesa meira

Evrópsk útþynning í baráttu gegn bílamengun

Ráðherraráð Evrópusambandsins féllst ekki á harðar aðgerðir gegn hættulegri örmengun frá bílum sem Framkvæmdastjórnin hafði lagt til. Fulltrúar Dana eru mjög ósáttir og segja brýnt að grípa til aðgerða. Talið er að bílamengun valdi ótímabærum dauðdaga um 300 þúsund Evrópubúa á ári hverju.

8 milljarða tap í ágúst

Það voru um 2,3 milljónir farþega sem nýttu sér flugferðir SAS í ágúst en fargjöld þessa hóps dugðu ekki til standa undir kostnaði því flugfélagið tapaði 638 milljónum sænskra króna í ágúst samkvæmt tilkynningu. Tapið jafngildir 7,9 milljörðum íslenskra króna. SAS hefur notið gjaldþrotaverndar bandarískra dómstóla frá því í júlí í fyrra og verður að … Lesa meira

Nærri þriðji hver flugumferðastjóri veikur

Aflýsa þarf tugum flugferða til og frá Gatwick flugvelli í London næstu daga vegna veikinda meðal flugumferðastjóra. Um 30 prósent þeirra þurfa að halda sig heima næstu daga og er fjöldi þeirra með Covid samkvæmt frétt The Independent. Vegna stöðunnar verður umferðin um flugvöllinn takmörkuð við 800 flugferðir á sólarhring sem þýðir að aflýsa þarf … Lesa meira