Bretar lofa 270 milljörðum króna í loftslagssjóð

Rishi Sunak forsætisráðherra Bretlands tilkynnti á fundi leiðtoga G20 ríkjanna í morgun að Bretar ætluðu að legga 2 milljarða bandaríkjadollara í loftslagssjóð Sameinuðu þjóðanna, Green Climate Fund. Upphæðin jafngildir um 270 milljörðum króna og verður stærsta einstaka fjárframlag breskra stjórnvalda til baráttunnar við loftslagsvandann að því segir á vef breska stjórnarráðsins.

Þar er jafnframt fullyrt að Bretar hafi náð mestum árangri allra G7 ríkjanna í að draga úr losun.

Megintilgangur loftslagssjóðs SÞ er að styðja fátækari ríki heims við að draga úr mengun, nýta endurvinnanlega orku og aðlaga sig að afleiðingum loftslagsbreytinga. Sjóðurinn var stofnaður á leiðtogafundi Sameinuðu þjóðanna í Mexíkó árið 2010.

Bretar eru ekki þeir einu sem hafa skuldbundið sig til að leggja meira fé í loftslagssjóðinn því ráðamenn í S-Kóreu og Danmörku gerðu slíkt hið sama í síðustu viku. Í báðum tilvikum er um að ræða tvöfalt hærra framlag en áður.

Munu líka skoða framleiðslu Tesla í Kína

„Ódýrir kínverskir rafbílar flæða inn á heimsmarkaðinn. Verðinu er haldið óeðlilega lágu með háum ríkisstyrkjum,“ sagði Ursula von der Leyen, forseti framkvæmdastjórnar Evrópusambandsins, í stefnuræðu sem hún flutti í Brussel fyrir tveimur vikum síðan. Þar boðaði hún rannsókn á meintum samkeppnisbrotum Kínverja vegna ríkisstuðnings þeirra og niðurgreiðslna á verði rafbíla til útflutnings. Það eru þó … Lesa meira

Ástralskir vínframleiðendur í vanda

Um tveir milljarðar lítra af víni eru í geymslum ástralskra vínframleiðenda sem bíða þess að greiðist úr samskiptum við Kína, sem setti tolla á víninnflutninginn árið 2020 - í miðjum heimsfaraldrinum. Síðan þá hefur líka dregið úr vínneyslu Kínverja eins og margra annarra þjóða.

Fjölga ferðunum hingað frá bílaborginni

Hið bandaríska Delta hóf flug til Keflavíkurflugvallar árið 2011 og hefur síðustu mánuði haldið úti daglegum ferðum hingað frá bæði New York og Minneapolis. Nú í sumar spreytti Delta sig jafnframt á áætlunarflugi hingað frá Detroit í fyrsta sinn. Þegar sumarvertíðinni lýkur formlega í lok október munu þotur félagsins hafa flogið um 800 ferðir milli … Lesa meira

Evrópsk útþynning í baráttu gegn bílamengun

Ráðherraráð Evrópusambandsins féllst ekki á harðar aðgerðir gegn hættulegri örmengun frá bílum sem Framkvæmdastjórnin hafði lagt til. Fulltrúar Dana eru mjög ósáttir og segja brýnt að grípa til aðgerða. Talið er að bílamengun valdi ótímabærum dauðdaga um 300 þúsund Evrópubúa á ári hverju.

8 milljarða tap í ágúst

Það voru um 2,3 milljónir farþega sem nýttu sér flugferðir SAS í ágúst en fargjöld þessa hóps dugðu ekki til standa undir kostnaði því flugfélagið tapaði 638 milljónum sænskra króna í ágúst samkvæmt tilkynningu. Tapið jafngildir 7,9 milljörðum íslenskra króna. SAS hefur notið gjaldþrotaverndar bandarískra dómstóla frá því í júlí í fyrra og verður að … Lesa meira

Nærri þriðji hver flugumferðastjóri veikur

Aflýsa þarf tugum flugferða til og frá Gatwick flugvelli í London næstu daga vegna veikinda meðal flugumferðastjóra. Um 30 prósent þeirra þurfa að halda sig heima næstu daga og er fjöldi þeirra með Covid samkvæmt frétt The Independent. Vegna stöðunnar verður umferðin um flugvöllinn takmörkuð við 800 flugferðir á sólarhring sem þýðir að aflýsa þarf … Lesa meira