Hafa ekki skoðun á mikilli fækkun tengifarþega

Á Keflavíkurflugvelli er farþegahópnum skipt í þrennt og það sem af er ári hafa komu- og brottfararfarþegarnir verið álíka margir og metárið 2018. Samdrátturinn nemur aðeins fimm prósentum. Það vantar hins vegar mikið upp á þegar kemur að þriðja hópnum, farþegunum sem millilenda hér á leið sinni yfir Norður-Atlantshafið.

Fyrstu átta mánuði ársins voru þessir tengifarþegar 1,4 milljónir talsins en þeir voru tvöfalt fleiri á sama tíma árið 2018 eða 2,7 milljónir.

Forsvarsfólk Isavia hefur lengi rætt mikilvægi þess að styrkja Keflavíkurflugvöll sem tengimiðstöð og í síðustu ársskýrslu skrifaði stjórnarformaður fyrirtækisins, Kristján Þór Júlíusson, að framtíðarsýn Isavia byggi á því að tengja heiminn í gegnum Ísland.

Tengifarþegunum hefur hins vegar fækkað um helming og spurður út í þessa þróun þá segir Guðjón Helgason, talsmaður Isavia, að það séu flugfélögin sem stýri framboði til og frá Íslandi og yfir hafið með söluáherslum sínum. „Keflavíkurflugvöllur hefur hvorki skoðun á því hvernig flugfélögin stýra sínu framboði né ástæðunum fyrir því,“ bætir Guðjón við.

Það eru Icelandair og Play sem nýta Keflavíkurflugvöll sem skiptistöð og í dag er hlutfall tengifarþega hjá Icelandair mun lægra en það var á árunum fyrir heimsfaraldur. Á öðrum fjórðungi ársins var hlutfallið 43 prósent en 56 prósent á sama tíma árið 2018.

Það má hins vegar gera má ráð fyrir að íslensku flugfélögin þurfi á fleiri þess tengifarþegum að halda í vetur enda verður framboðið álíka og það var veturinn 2018 til 2019.

Óstundvísi í sumar

Fyrir heimsfaraldur var farið að örla á umræðu um versnandi aðstöðu á Keflavíkurflugvelli fyrir tengifarþega. Pétur J. Eiríksson, fyrrum framkvæmdastjóri hjá Icelandair, hélt því til að mynda fram að Flugstöð Leifs Eiríkssonar væri ekki lengur besta skiptistöð í Evrópu heldur sú versta. Vísaði hann meðal annars til þess að farþegar væru í auknum mæli verið fluttir í rútum á milli flugstöðvar og flugvéla.

Nú í sumar hefur stundvísin á Keflavíkurflugvelli líka verið töluvert verri en yfirlýst markmið hljóða upp á. Í sumar seinkaði um það bil þriðju hverri brottför frá landinu á meðan áætlunin á flugvöllunum í Ósló og Dublin stóðst í 8 af hverjum 10 tilvikum.

Evrópsk útþynning í baráttu gegn bílamengun

Ráðherraráð Evrópusambandsins féllst ekki á harðar aðgerðir gegn hættulegri örmengun frá bílum sem Framkvæmdastjórnin hafði lagt til. Fulltrúar Dana eru mjög ósáttir og segja brýnt að grípa til aðgerða. Talið er að bílamengun valdi ótímabærum dauðdaga um 300 þúsund Evrópubúa á ári hverju.

8 milljarða tap í ágúst

Það voru um 2,3 milljónir farþega sem nýttu sér flugferðir SAS í ágúst en fargjöld þessa hóps dugðu ekki til standa undir kostnaði því flugfélagið tapaði 638 milljónum sænskra króna í ágúst samkvæmt tilkynningu. Tapið jafngildir 7,9 milljörðum íslenskra króna. SAS hefur notið gjaldþrotaverndar bandarískra dómstóla frá því í júlí í fyrra og verður að … Lesa meira

Nærri þriðji hver flugumferðastjóri veikur

Aflýsa þarf tugum flugferða til og frá Gatwick flugvelli í London næstu daga vegna veikinda meðal flugumferðastjóra. Um 30 prósent þeirra þurfa að halda sig heima næstu daga og er fjöldi þeirra með Covid samkvæmt frétt The Independent. Vegna stöðunnar verður umferðin um flugvöllinn takmörkuð við 800 flugferðir á sólarhring sem þýðir að aflýsa þarf … Lesa meira

Þýska maskínan höktir

Þjóðverjum hefur vegnað vel á efnahagssviðinu síðustu áratugi. Hagkerfi landsins hefur notið þess að framleiðsla á gæðavarningi, flottum bílum og þróuðum tæknibúnaði, hefur verið eftirsótt um heim allan. En nú höktir þýska maskínan af því að hún hefur ekki lengur aðgang að ódýrri orku frá Rússlandi.

Boða fjárfesta til fundar

Flugfélagið Play býður fjárfestum og markaðsaðilum til eftirmiðdagsfundar með stjórnendum félagsins nú á fimmtudaginn á Grand Hótel. Dagskrá hefst klukkan 15:15 að því segir í tilkynningu. Þar segir að á fundinum muni lykilstjórnendur veita innsýn í rekstur félagsins. „Farið verður yfir þann árangur sem félagið hefur náð nú í lok þriðja sumars í rekstri og mat stjórnenda … Lesa meira

Hafa ekki skoðun á mikilli fækkun tengifarþega

Lengi hefur verið unnið að því að styrkja Keflavíkurflugvöll sem skiptistöð. Óhætt er að segja að farþegatölur ársins endurspegli ekki þessar áherslur.

Tilraunir með vetnisknúinn þotuhreyfil ganga vel