Sænsk-íslenski samstarfssjóðurinn auglýsir eftir umsóknum til ferðastyrkja til að styðja íslenska þátttakendur í sænsk-íslenskum samstarfsverkefnum.
Í tilkynningu frá menningar- og viðskiptaráðuneytinu segir að markmið Sænsk-íslenska samstarfssjóðsins sé að stuðla að auknu samstarfi Svíþjóðar og Íslands á sviði menningar, menntunar og vísinda.
Umsóknarfrestur er til 28. febrúar en um styrkina skal sótt á sérstökum eyðublöðum sem er að finna á heimasíðu sjóðsins en hann var stofnaður í kjölfar gjafar Svía til Íslendinga á 50 ára afmæli íslenska lýðveldisins 1994.